ബാല്യം

ബാല്യം
 അമ്മ ഒരോ ദിവസ്സം കഴിയുംതോറും സ്വന്തം ബാല്യത്തിലേക്ക് മടങ്ങുകയായിരുന്നു..ഒരിക്കൽ എന്റെ അരികെ വന്ന് ചോദിച്ചു ഞാൻ ആരാണെന്ന്..മകനാണെന്ന് പഞ്ഞപ്പോഴാണോർത്തത്,അമ്മയ്ക്കന്നു 14 വയസ്സാണ്‌ പ്രായം..വിവാഹം 16ആം വയസ്സിലായിരുന്നു..അന്ന്‌ അമ്മയുടെ വല്യേട്ടനായി..പിന്നീട് വല്യമ്മാവൻ..വല്യച്ഛൻ!!! ഒന്നു പൊട്ടി കരയാൻ കണ്ണുകൾ വീർപ്പ് മുട്ടിയപ്പോൾ കണ്ണുനീർ പ്രതിഷേധമറിയിച്ചു...പിന്നെയും എന്നെ കണ്ടപ്പൊൾ അമ്മ ആരാന്ന് ചോദിച്ചു..“അപ്പൂപ്പൻ!”ഒരു കള്ള ചിരിയുണ്ടാക്കി ഞാൻ പറഞ്ഞു.അമ്മ വന്നു മടിയിൽ കിടന്നു.തൂവെള്ള മുടികളിൽ തലോടി ഞാനും മയങി.പിറ്റേന്ന് എന്നെ ഉണർത്തിയത് അമ്മയാണ്‌.സ്വപ്നമാണെന്നാണ്‌ ആദ്യം തോന്നിയത്‌ “മോനെ അമ്മ ഒത്തിരി വേദനിപ്പിച്ചോ?”അന്നു അമ്മയുടെ അരികിൽ നിന്നു മാറാത്ത കുഞ്ഞുമകനായി ഞാൻ..പിറ്റേന്നു അമ്മയെ ഉണർത്താൻ ചെന്നതു ഞാനായിരുന്നു..അമ്മ ഉണർന്നില്ല..ഓർമ്മകളമ്മയെ മറ്റേതോ ലോകത്തേക്കു കൊണ്ട്പോയിരിക്കുന്നു