മഴ
പിഞ്ചോമനപുഞ്ചിരി മഴതുള്ളിപോൽ മൃദുലം..
കുഞ്ഞു ഹൃദയം ഒരു ചറ്റൽ മഴയെപ്പോൽ,
പൂവിനും വണ്ടിനും മുള്ളിനും കുളിരേകുന്നു..
ഇടവപ്പാതിപോൽ തോരാത്ത
സ്വപ്നങ്ങൾതൻ കൗമാരമനസ്സും..
തുലാവർഷ സന്ധ്യപോൽ ഗർജനം
മുഴക്കുമൊരു യൗവനവും....
ഉരുണ്ടുകൂടിയ മേഘങ്ങളൊടുവിൽ
പെയ്തൊഴിയും പോലൊരു മധ്യകാലവും...
ഇറ്റിറ്റു...ഇറ്റിറ്റു വീണൊടുവിൽ.....
വരണ്ട വേനലാം ഒരു വാർദ്ധക്യവും...
ഇടയിലെവിടെയൊക്കെയൊ....
കാലം തെറ്റിയെത്തുന്ന ചാറ്റൽ മഴയും
ഇരുണ്ട മെഘങ്ങൾ തൻ രോഷങ്ങളും......
എന്നും....ഒരു മഴതുള്ളിയാകാൻ കഴിഞ്ഞെങ്കിൽ............
No comments:
Post a Comment