ഓഫീസ്സിലേക്ക് ഇറങ്ങുമ്പോൾ എന്നും നാലുമണിക്ക് എഴുന്നേറ്റാണ് ശീലം. അന്നും പതിവ് തെറ്റിയില്ല.. ഇസ്തിരി പെട്ടിയും എടുത്ത് അടുപ്പിനരികിലേക്ക് നീങ്ങുമ്പോഴെക്കും ഭാര്യ ചോറ് പാത്രത്തിൽ ആക്കിയിട്ടുണ്ടാകും. ചിരട്ടയും കനലുകളും ഓരോന്നായ് ഇരുമ്പ് പെട്ടിയിലേക്ക് ഇട്ട് മുറിയിലേക്ക് നീങ്ങി,
ഉരച്ചുരച്ച്..ഒരോ ചുളിവുകളും നീക്കി ഷർട്ടും മുണ്ടും വടിപോലാക്കും.. അന്നു പക്ഷെ ചുളിവുകൽ നീങ്ങിയില്ല.വിട്ടുപോകാത്ത വിതം ചുളിവുകൾ വീണിരിക്കുന്നു..കണ്ണാടിയുടെ മുന്നിൽ ഏറെ നേരം നിന്ന് പതുക്കെ ഇറങ്ങി.
" പലഹാരങ്ങൾ കുറച്ച് അധികം കരുതി വച്ചോളൂ.. യാത്രയാക്കാൻ ഒത്തിരിപ്പേർ വരുമായിരിക്കും.. " വീണ്ടും വീണ്ടും ചുളിവുകളിൽ വിരൽ ഓടിച്ച് കൊണ്ട് നടന്ന് നീങ്ങി..