ഞാനെവിടെയെന്ന് കേഴേണ്ട!!
നീ കണ്ണടച്ചിരുട്ടാക്കിയ
വഴികളിലെവിടെയോ..
നിന്നെ മറന്ന്(അട്ടഹസിച്ച്)
നിന്നെമാത്രമോർത്ത്..
ഉടഞ്ഞകുപ്പിവള
മാറോടണക്കി..
(അതേ... അതെന്നെ
നോവികുന്നു..
എന്റെ രക്തം
പൊഴിക്കുന്നു..
ഒരു വാക്ക്
മിണ്ടാതെ നീതന്ന
നോവിലും വലുതല്ല
നോവുകളൊന്നുമീ
ഭൂമിയിൽ..)
കുപ്പിവളകുത്തുകൾ
പൊട്ടിച്ചു ഞാൻ
ഇന്നും നോക്കാറുണ്ട്
നിന്നോടുള്ള പ്രണയം..
അതിന്നും കള്ളം
പറയാറുണ്ട്..പക്ഷെ പിണങ്ങുവാൻ നീയില്ലയല്ലോ..

കാറ്റിന്നും പറയുന്നു..
നീ അരികെ എവിടെയോ..
ഇല്ലെന്നെനിക്കറിയാം..
തിരയില്ലയെന്നറിയാം..
തിരയേണ്ടതില്ല നീ അസ്തമിച്ച
സൂര്യനെ എങ്ങും.
ഞാനിവിടെയാണ്
നീ കണ്ണടച്ചിരുട്ടാക്കിയ
വഴികളിലെവിടെയോ..