നിന്റെ ചലനങ്ങളില്ലായിരുന്നെങ്കിലാരും
കേൾക്കാത്ത വയലിൻ സംഗീതമായേനെ ഞാൻ

ഇന്നലെ ഞാനായിരുന്നിന്നത്
നാമായ്..നാളെ അവനിലേക്കൊ..അവളിലേക്കൊ തിരിഞ്ഞില്ലെങ്കിൽ നമ്മളായ് നിൽകാം..

നിന്റെ ബന്ധനമായിരുന്നെന്റെ
പെണ്ണേ..ഞാനനുഭവിച്ച സ്വാതന്ത്ര്യം..

ഗദ്യത്തിനായ് ഞാൻ വെട്ടിമാറ്റിയ
കവിതാക്ഷരങ്ങൾ
നിന്റെ സ്വപ്നങ്ങളായിരുന്നല്ലേ സഖീ..

യോജിച്ചു പോകുവാൻ
ആകാതെ അല്ല..
നീ ഇരവും ഞാൻ പകലുമായ്
മാറിയിരികുന്നു..

ഓർമ്മകൾ പുഴകളാണ്..
ഒഴുകണമെന്നുണ്ട്..
മതിലുകളില്ലായിരുന്നെങ്കിൽ..

മുല്ലയ്ക്കും ചാന്തിനും
ചന്ദനതിരിക്കും ഇന്നിപ്പോളീ രാവിനും..
നിനക്കും ഒരേ ഗന്ധം